პსჟ-ს პრეზიდენტი პირველ განცხადებას აკეთებს - კვარა ძალიან ნიჭიერია და ამავდროულად...

 ,,ხვიჩა მსოფლიო ფეხბურთში ერთ-ერთი ყველაზე ამაღელვებელი მოთამაშეა, ფანტასტიკურად ნიჭიერი, რომელსაც აქვს გამბედაობა და იბრძვის გუნდისთვის."

 პსჟ-ის პრეზიდენტის კომენტარი ხვიჩა კვარაცხელიას ტრანსფერის შესახებ

კვარაცხელიას ტრანსფერისთვის „ნაპოლიმ“ 70 მილიონი ევრო მიიღო, დამატებით 10 მილიონი ევრო კი ბონუსების სახით. გავრცელებული ცნობით, საქართველოს ნაკრების ერთ-ერთი ლიდერის ანაზღაურება სეზონში 11 მილიონი ევრო იქნება.

ხვიჩა „ნაპოლიში“ 2022 წელს ბათუმის „დინამოდან“ გადავიდა. 33 წლის შემდეგ კვარაცხელიასთან ერთად „ნაპოლიმ“ იტალიის ჩემპიონატი მოიგო, თავად კი სერია A-ს 2022/23 წლის სეზონის საუკეთესო ფეხბურთელად დასახელდა. ის ასევე აღიარეს იმავე სეზონის ჩემპიონთა ლიგის საუკეთესო ახალგაზრდა მოთამაშედ.

კვარაცხელიამ „ნაპოლის“ მაისურით ყველა ტურნირზე 107 მატჩი ჩაატარა, 30 გოლი გაიტანა და 29 საგოლე გადაცემა შეასრულა.