ოფიციალურად: პაბლო გავიმ “ბარსელონასთან” კონტრაქტი გაახანგრძლივა

20 წლის ესპანელმა ფეხბურთელმა პაბლო გავიმ კატალონიის “ბარსელონასთან” კონტრაქტი გაახანგრძლივა. ინფორმაციას ესპანური კლუბი სოციალურ ქსელში ავრცელებს.

გავიმ ახალ ხელშეკრულებას ხელი 2030 წლის ზაფხულამდე მოაწერა.

საგულისხმოა, რომ პაბლო გავიმ მიმდინარე სეზონში ჩატარებულ 20 შეხვედრაში 2 გოლი გაიტანა და 1 საგოლე გადაცემა შეასრულა.

ცნობისთვის, გავიმ წარსულში საქართველოს წინააღმდეგ გამართულ შეხვედრაში მძიმე დაზიანევა მიიღო, თუმცა თითქმის 1 წლიანი უქმობის შემდეგ მოედანს საოცრად დაუბრუნდა.