“მამარდაშვილი შესაცვლელია?” - Marca-მ გიორგიზე სტატია დაწერა

როგორც მოგეხსენებათ, გიორგი მამარდაშვილს ბოლო თამაშებში საკმაოდ მძიმე პერიოდი უდგას.

გავლენიანმა სპორტულმა საიტმა Marca-მ ამ ამბუს შესახებ საინტერესო სტატია შემოგვთავაზა:

“რადგანაც ლა ლიგის დასრულებამდე 11 ტური რჩება, მამარდაშვილი კი თავადაც აღიარებს, რომ საუკეთესო დროება არ უდგას, ჩნდება კითხვა: ხომ არ მოვიდა დიმიტრიევსკის დრო? ვალენსიელთა თავკაცი კორბერანი იმ სპეციალისტების რიცხვს არ მიეკუთვნება, რომლებიც ასეთ მნიშვნელოვან გადაწყვეტილებებს იოლად იღებენ, თუმცა, ფაქტია: ჩრდილომაკედონიელმა მეკარემ ჩინებულად წარმოაჩინა თავი როგორც ქვეყნის თასზე, ასევე ლა ლიგის იმ 4 მატჩში, რომელშიც მამარდაშვილის ტრავმის გამო ითამაშა”. - წერს ესპანური საიტი.