ოფიციალურად - დარია ბილოდიდი ძიუდოდან ფეხბურთში გადავიდა, ცნობილია, რომელ გუნდში ითამაშებს ის

უკრაინელი ძიუდოისტი, დარია ბილოდიდი სპორტის სახეობას იცვლის და ძიუდოდან ფეხბურთში გადადის. უკრაინულმა ქალთა საფეხბურთო კლუბმა, მეტალისტ 1925-მა სოციალურ ქსელში დაწერა, რომ დარია ბილოდიდი მათი გუნდის ღირსებას დაიცავს და კლუბში ვარჯიშს მალე დაიწყებს.

დარიამ ხარკოვის კლუბთან კონტრაქტი უკვე გააფორმა. ბილოდიდი მეტალისტში 77-ნომრიანი მაისურით ითამაშებს.

მეტალისტმა შარშანდელი სეზონი მესამე ადგილზე დაასრულა. კლუბში იმედი აქვთ, რომ დარიას ტრანსფერი მათ პოპულარობას გაზრდის და ის კლუბს მნიშვნელოვნად გააძლიერებს.

უკრაინის ქალთა ჩემპიონატის ბოლო სეზონის გამარჯვებული პოლტავის ვორსკლა გახდა.

ბილოდიდი ტოკიოს 2020 წლის ოლიმპიადის ბრინჯაოს მედალოსანია 48 კგ წონით კატეგორიაში. დარია 2024 წელს პარიზში გამართულ ოლიმპიადას დისკვალიფიკაციის გამო მერვედფინალში გამოეთიშა.