საქართველო-სომხეთის მატჩი ნახა და ქოჩორას დამატება გადაყწვიტა" - რა ინფორმაცია ვრცელდება მედიაში

“ტრაბზონსპორი შემადგენლობის გაძლიერებას ლევანტეს ქართველი ნახევარმცველით, გიორგი ქოჩორაშვილით აპირებს და ტრანსფერისთვის, რომელსაც გუნდის მწვრთნელმა ფათიჰ ტეკემ მწვანე შუქი აუნთო, პირველი ოფიციალური ნაბიჯების გადადგმას უახლოეს მომავალში გეგმავს.

47 წლის სპეციალისტმა, რომელმაც ახლახან ტრაბზონსპორში შენოლ გიუნეში შეცვალა, სკაუტებთან შეხვედრა გამართა. საუბარი რამდენიმე ფეხბურთელზე იყო, ყველაზე დიდი ყურადღება კი სწორედ გიორგი ქოჩორაშვილს დაეთმო. ფათიჰ ტეკეს სომხეთი-საქართველოს მატჩი (0:3) უნახავს, რომელშიც ერთ-ერთი გოლი ქოჩორაშვილმა გაიტანა და მისი თამაშით აღფრთოვანებული დარჩენილა.

 
ახლა უკვე დაიწყება ოფიციალური კონტაქტები ქოჩორაშვილთან, რომელსაც ტრაბზონსპორი დიდი ხანია აკვირდება. ფატიჰ ტეკემ ტრანსფერზე თანხმობა თქვა და კლუბის ხელმძღვანელობაც ფეხბურთელის აგენტსა და კლუბთან მოლაპარაკებას დაიწყებს. ტრაბზონსპორს ახალ სეზონში გაცილებით დინამიური და კრეატული ნახევარდაცვის რგოლის შექმნა სურს და ამ კუთხით ქოჩორაშვილი უმთავრესი სამიზნეა", - წერს თურქული გამოცემა.