რატომ არ ჰყავს ლონდონის ჩელსის მაისურის სპონსორი - უცნაური ფაქტი პრემიერ ლიგაში

ჩელსი პრემიერ ლიგის გახსნით მატჩში „კრისტალ პალასთან“ სპონსორის გარეშე გამოვიდა და შეხვედრა ძირითად ფორმაში ჩაატარა.

მოგვიანებით, „ლურჯებმა“ „ვესტ ჰემის“ „ლონდონის სტადიონზეც“ ითამაშეს, ამჯერად შავ, მესამე ეკიპირებაში, რომელსაც ისევ არ ჰქონდა მაისურის წინა მხარეს სპონსორის ლოგო.

რატომ არ ჰყავს ჩელსის მაისურის სპონსორი?

„სტემფორდ ბრიჯის“ კლუბს მსგავსი პრობლემა წინა სეზონშიც ჰქონდა. მაშინ ლონდონელები აპრილამდე სპონსორის გარეშე თამაშობდნენ, სანამ დუბაის უძრავი ქონების კომპანია Damac-თან კონტრაქტს გააფორმებდა.

იგივე განმეორდა 2023/24 სეზონშიც — მაისურებზე Infinite Athlete-ის ლოგო მხოლოდ სექტემბრის ბოლოს გამოჩნდა.

ამ ეტაპზე ჩელსი ახალი პარტნიორის ძიებაშია და, გავრცელებული ცნობებით, £60-65 მილიონიან შეთანხმებაზეა ორიენტირებული.

ცარიელი სივრცე ყურადღების გარეშე არ დარჩენილა — პროცესს „კონკურენტულს“ უწოდებენ. პრესაში დაიწერა, რომ ინტერესს საუდის არაბეთის ავიაკომპანია Riyadh Air იჩენდა, შესაძლო კანდიდატებად კი Malaysia Airlines და Bank of America ფიგურირებდნენ.