ფერმინ ლოპესი „ჩელსისთან“ მოლაპარაკებების დაწყებას ითხოვს

ბოლო 24 საათში ბარსელონას ახალგაზრდა ნახევარმცველმა ფერმინ ლოპესმა კლუბს აცნობა, რომ ლონდონურ კლუბთან მოლაპარაკებების დაწყება სურს.

ფერმინმა კატალონიელებს სთხოვა, რომ მისი ტრანსფერი ზედმეტად ძვირად არ შეაფასონ.

ესპანელმა ახალგაზრდა ნახევარმცველმა იცის, რომ "ბარსელონას" ნახევარდაცვაში დიდი კონკურენცია იქნება, ამიტომ ის გუნდიდან წასვლას არ გამორიცხავს. თუმცა, გადაწყვეტილება ოფიციალურად მიღებული არ არის.

22 წლის ესპანელმა გასულ სეზონში ლა ლიგაში 28 მატჩი ჩაატარა, 6 გოლი გაიტანა და 5 საგოლე პასი გააკეთა.