„ფენერბაჰჩე“ „მანჩესტერ სიტის“ მეკარის ედერსონის დამატებას ცდილობს

სტამბოლურმა კლუბმა უკვე დაიწყო მოლაპარაკებები "მანჩესტერ სიტისთან" და ცდილობს ბრაზილიელი მეკარის ტრანსფერი საბოლოოდ გაიფორმოს.

თურქული გუნდი ედერსონისთვის ბრძოლაში მას შემდეგ ჩაერთო, რაც მათმა მთავარმა კონკურენტმა, „გალათასარაიმ“, მეკარის თაობაზე "სიტის" წინადადება წარუდგინა.

თუმცა, ქალაქელებმა გალათასარაის მიერ შეთავაზებული €10 მილიონიანი წინადადება უარყვეს.

ამ სიტუაციით სარგებლობა სწორედ „ფენერბაჰჩემ“ გადაწყვიტა და კლუბი მზადაა, უფრო სოლიდური წინადადება გააკეთოს, რათა ედერსონის ტრანსფერი წარმატებით დახუროს.

მნიშვნელოვანია ისიც, რომ თუ ქალაქელები ბრაზილიელს გაუშვებენ „მანჩესტერ სიტის“ გეგმაში ჯანლუიჯი დონარუმას დამატებაა.

იტალიელ მეკარეს დიდი ხანია უკავშირებენ მანჩესტერ "სიტის“ და თუ ბრაზილიელი გუნდის დატოვებას გადაწყვეტს, პეპ გვარდიოლა მას სწორედ დონარუმათი შეცვლის.  

ამ დროისთვის მოლაპარაკებები მიმდინარეობს და უახლოეს დღეებში შესაძლოა სიტუაცია უფრო ნათელი გახდეს.