სპალეტი: „ასეთ პირობებზე ვერ დავრჩებოდი“ — რა იყო ნაპოლიდან წასვლის ნამდვილი მიზეზი

ლუჩანო სპალეტიმ კიდევ ერთხელ გაიხსენა პერიოდი, როცა „ნაპოლის“ ხელმძღვანელობასთან ურთიერთობა დაასრულა და გუნდი სკუდეტოს მოგების შემდეგ დატოვა.

იტალიელმა სპეციალისტმა ამის შესახებ ტრენტოს სპორტის ფესტივალზე ისაუბრა:

"დე ლაურენტისმა ახალი კონტრაქტი შემომთავაზა, მაგრამ პირობები ისეთი იყო, რომ ვერ დავთანხმდებოდი."

"მან იფიქრა, თითქოს გადამიფიქრებდა გადაწყვეტილებას, მაგრამ მე უკვე გუნდის დატოვება მქონდა გადაწყვეტილი — ასეთ პირობებზე ვერ დავრჩებოდი,“ – განაცხადა სპალეტიმ.

სპალეტის თქმით, კლუბის პრეზიდენტს ეგონა, რომ მისი წასვლა გუნდს დიდ პრობლემას არ შეუქმნიდა, თუმცა მოვლენები სხვაგვარად განვითარდა:

"იგი ფიქრობდა, რომ მარტივად გაუმკლავდებოდა ყველაფერს, მაგრამ ვნახეთ, როგორ განვითარდა შემდეგ მოვლენები.."

"დე ლაურენტისმა ბოლოს გუნდში კარგი სპეციალისტი მოიყვანა, რომელმაც ქალაქს კიდევ ერთი ტიტული აჩუქა.“

შეგახსენებთ, იტალიელი მწვრთნელი „ნაპოლიდან“ 2023 წელს წავიდა — იმ სეზონის შემდეგ, როცა გუნდმა 33-წლიანი პაუზა დაასრულა და სერია A-ს ტიტული მოიპოვა.