ლევანდოვსკი იანვარში ბარსელონას არ დატოვებს — წასვლა ზაფხულისთვის იგეგმება

„ბარსელონას“ პოლონელი თავდამსხმელი რობერტ ლევანდოვსკი ზამთრის სატრანსფერო ფანჯარაში კლუბის დატოვებას არ აპირებს. 

ფეხბურთელის მთავარი მიზანი მიმდინარე სეზონის დასრულებაა კატალონიურ გუნდთან ერთად.

ინფორმაციას ცნობილი ჟურნალისტები ავრცელებენ, რომლებიც ირწმუნებიან, რომ ლევანდოვსკის კონტრაქტის ამოწურვის შემდეგ — ზაფხულში, 2026 წელს, მხარეები დიდი ალბათობით ერთმანეთს დაემშვიდობებიან.

პოლონელი ვეტერანი „ბარსელონაში“ 2022 წელს მივიდა და კლუბის ერთ-ერთ ლიდერად რჩება, თუმცა მისი კარიერის ბოლო წლების გეგმები უკვე აქტიურად განიხილება.