ვინისიუსმა ,,რეალთან" კონტრაქტის გახანგრძლივებაზე უარი თქვა – მიზეზი ჩაბი ალონსოა 

მადრიდის ,,რეალში" მოულოდნელი დაძაბულობა წარმოიშვა.

ვინისიუს ჟუნიორმა ფლორენტინო პერესს აცნობა, რომ კლუბთან ახალი კონტრაქტის ხელმოწერას ამ ეტაპზე არ აპირებს.

ბრაზილიელი ვარსკვლავის გადაწყვეტილების მიზეზად ჩაბი ალონსოსთან არსებული გაუგებრობები და დაძაბული ურთიერთობა სახელდება.

ეს სიტუაცია კლუბისთვის საკმაოდ სენსიტიურ მომენტში მოდის, რადგან ვინისიუსი გუნდის ერთ-ერთი მთავარი ფიგურაა და მის მომავალს მადრიდში დიდ მნიშვნელობას ანიჭებენ.

შეგახსენებთ, ბრაზილიელსა და "რეალის" მთავარ მწვრთნელ ალონსოს შორის დაძაბულობა ელ კლასიკოს მატჩისას  დაიწყო, სადაც ჩაბი ალონსომ ვინისიუსი შეცვალა და ბრაზილიელს ეს გადაწყვეტილება არ მოეწონა, რის გამოც მათ შორის დაძაბულობა გაჩნდა.