ეს სიმართლეა, ზაბარნიმ პსჟ-ს ხელმძღვანელებს საფონოვზე პირობა წაუყენა

კიევის "დინამოს" ყოფილმა მეკარემ დენის ბოიკომ, პსჟ-ს უკრაინელი ახალწვეულის ილია ზაბარნისა და გუნდის რუსი მეკარის, მატვეი საფონოვის ურთიერთობის შესახებ ისაუბრა.

ბოიკოს თქმით, ზაბარნიმ პსჟ-ს ხელმძღვანელებს მართლაც სთხოვა, რომ საფონოვი გუნდიდან გაეშვათ.

"ამ ამბავში კარგი ისაა, რომ მოედანზე ერთად არ არიან. დარწმუნებული ვარ, რომ ზაბარნი საფონოვს არც კი ეკონტაქტება.

გარდა ამისა, თავად ილიასაც ვესაუბრე, ვიცი, რომ მან პსჟ-ს ხელმძღვანელებს პირობა წაუყენა, რომ საფონოვი კლუბიდან აუცილებლად უნდა გაეშვათ. სამწუხაროდ, ყველაფერი ისე არ მოხდა, როგორც ილიას და მე გვსურდა

კონტრაქტის ასე მარტივად გაწყვეტა შეუძლებელია. ამიტომ ილია აბსოლუტურად სწორად იქცევა. წავიკითხე უამრავი ნეგატიური კომენტარი მის მიმართ, რომ ეს თითქოს პიარი იყო, მაგრამ არა, ილია ძალიან შეგნებული ადამიანია. მას ყველაფერი ესმის, მაგრამ არსებობს მომენტები, როდესაც ყველაფერი მხოლოდ მასზე არაა დამოკიდებული. მან თავისი სურვილი და ქმედება შეასრულა, მაგრამ კლუბსა და საფონოვს შორის საკონტრაქტო ვალდებულებები არსებობს", - განაცხადა ბოიკომ.

შეგახსენებთ, ზაბარნი პსჟ-ს "ბორნმუთიდან", 63 მილიონი ევროს სანაცვლოდ შეუერთდა.