დასახელდა თანხა, რომელსაც არსენალი კვარაცხელიას სანაცვლოდ იხდის

მიმდინარე სეზონში ჩემპიონთა ლიგაზე პსჟ-ს მეშვიდე ნომერს 4 გოლი და 3 საგოლე გადაცემა აქვს, რითაც კიდევ ერთხელ დაადასტურა თავისი მნიშვნელობა ევროპულ ტურნირზე. წინ კი „ჩელსისთან“ მერვედფინალური ეტაპის ორი შეხვედრა ელოდება. კვარაცხელიამ „პარი სენ-ჟერმენთან“ კონტრაქტი 2029 წლის ივნისამდე გააფორმა, თუმცა ეს არ ნიშნავს, რომ მის მიმართ ინტერესი არ არსებობს — პრემიერ ლიგის რამდენიმე კლუბი ქართველ თავდამსხმელს ყურადღებით აკვირდება.

TEAMtalk-ის ინფორმაციით, „მანჩესტერ იუნაიტედი“, „არსენალი“ და „ლივერპული“ კვარაცხელიას მდგომარეობას აკვირდებიან. ქართველმა ფეხბურთელმა „პსჟ“-ში გადასვლის შემდეგ ყველა ტურნირზე ჩატარებულ 66 მატჩში 17 გოლი გაიტანა და 14 საგოლე გადაცემა გააკეთა. ამავე წყაროს ცნობით, პსჟ-მ პოტენციურ მყიდველებს უკვე მიანიშნა, რომ თუ ვინგერის გაყიდვა დღის წესრიგში დადგება, კლუბი მინიმუმ იმ თანხის დაბრუნებას მოითხოვს, რომელიც 2025 წლის იანვრის სატრანსფერო ფანჯარაში გადაიხადა — დაახლოებით 68 მილიონ ფუნტს (91.35 მილიონი დოლარი, 78.63 მილიონი ევრო) და ისინიც მზად არიან, გადაიხადონ.