ცნობილი გახდა - რა უთხრა ლუის ენრიკემ პსჟს ფეხბურთელებს ფინალში შესვენების დროს

ფრანგული პრესა ავრცელებს ინფორმაციას, რა უთხრა ლუის ენრიკემ ფეხბურთელებს გასახდელში ფინალის დროს, პირველი ტაიმის შემდეგ.

"პსჟ სწრაფადვე მოექცა წნეხის ქვეშ, თუმცა პანიკას არ მისცემია. ტაიმებს შორის შესვენებაზე გასახდელში ასეთი გზავნილი ვრცელდებოდა: „ყველაფერი შემოტრიალდება. თუ გოლს გავიტანთ, ჩვენ მოვიგებთ“.

თავის მხრივ, ლუის ენრიკემ სრული სიმშვიდე შეინარჩუნა და გუნდს სთხოვა, საკუთარი ფეხბურთის თამაში გაეგრძელებინა: „ის საოცრად მშვიდი იყო“, - გვიმხელს მომხდარის ერთ-ერთი თვითმხილველი."

ჩემპიონთა ლიგის ფინალში პარიზულმა კლუბმა არსენალს სძლია და მთავარი საკლუბო ტიტული ისტორიაში მეორედ მოიგო.