თორნიკე კვარაცხელიამ თურქეთს გაუტანა - საქართველოს ნაკრები მინიმალური ანგარიშით დამარცხდა

საქართველოს 17-წლამდე ნაკრები, რომელიც ევროპის ჩემპიონატის შესარჩევი ციკლისთვის ემზადება, რუმინეთში ამხანაგურ მატჩში თურქეთთან 1:2 დამარცხდა.

ჩვენი გუნდიდან გოლი ნიკოლოზ კობზონაძის პასით თორნიკე კვარაცხელიამ გაიტანა. 

მომდევნო შეხვედრას საქართველოს ნაკრები 9 ივნისს, რუმინეთთან გამართავს. 

გიორგი ჩიტაურის ნაკრები ევროშესარჩევ ციკლში, 3-გუნდიან ჯგუფში - ყაზახეთს და ავსტრიას დაუპირისპირდება. საკვალიფიკაციო რაუნდის მატჩებს 11-17 ნოემბერს, საქართველო უმასპინძლებს.

11 ნოემბერი | საქართველო V ავსტრია 

14 ნოემბერი | ავსტრია V ყაზახეთი 

17 ნოემბერი | საქართველო V ყაზახეთი

ბუფტია. „ტექნიკური ცენტრი“

თურქეთი - საქართველო 2:1

გოლები: 1:0 ჩაქიროღლუ (20), 1:1 კვარაცხელია (27), 2:1 ქაბაქთაში (62)

საქართველო: მეტონიძე, კობზონაძე, თომაევი, ფოცხვერია, ხარაზი, გოგუა (ჭიკაიძე 61), დუმბაძე (ქურასბედიანი 61), ოჩიგავა (მაჭარაშვილი 75), სახვაძე (კაკულია 88), კვარცხელია, ჩიქოვანი