სარეკორდო ციფრია - იტალიელმა ჟურნალისტმა დაასახელა თანხა, რომელიც ჯუღელმა კვარას პსჟ-ში ტრანსფერისთვის აიღო

„ნაპოლის“ მხარდამჭერი რადიო CRC-ის ცნობილმა ჟურნალისტმა უმბერტო კიარელომ, რომელიც კლუბის პრეზიდენტ აურელიო დე ლაურენტისთან და მის ოჯახთან დაახლოებულ პირად ითვლება ხვიჩა კვარაცხელიას "პსჟ-ში" ტრანსფერის შესახებ ისაუბრა.

„კვარა“ მაგიდის ქვეშიდან  მოგვპარეს, 75 მილიონ ევროდ გაგვაყიდინეს. დიახ, ვიმეორებ, მაგიდის ქვეშიდან. მოლაპარაკებები მიმდინარეობდა, იურისტის ჩვენებები ჩაწერილი მაქვს, რომელიც კონტრაქტს ადგენდა, რომ ამ დოკუმენტს ოთხი თვე ამზადებდნენ და მაგიდის ქვეშ ჰქონდათ შენახული. „ნაპოლიმ“ ამის შესახებ არაფერი არ იცოდა. უთხრეს, რომ კიდევ შეხვდებოდნენ და არ ენერვიულათ. ცნობილი აგენტი მამუკა ჯუღელი იანვრისთვის ტრანსფერის განსახორციელებლად მუშაობდა და შემდგომში გააფორმა კიდეც. მან საკომისიოს სახით სახლში 10 მილიონი წაიღო და ბიჭი პარიზში წავიდა, სადაც მისი ხელფასი 10 მილიონი იქნებოდა და სადაც ჩემპიონთა ლიგაზე ითამაშებდა. - განაცხადა უმბერტო კიარელომ.