უკრაინიდან ჯანი ინფანტინოს რუსების დაბრუნებასთან დაკავშირებით ემოციური პასუხი გასცეს

უკრაინის საგარეო საქმეთა მინისტრმა, ანდრიი სიბიჰამ სოციალურ ქსელში FIFA-ს პრეზიდენტ ჯანი ინფანტინოს უპასუხა.

"679 უკრაინელი გოგონა და ბიჭი ვერასდროს შეძლებს ფეხბურთის თამაშს - რუსეთმა ისინი მოკლა.

და ისინი კვლავ აგრძელებენ მკვლელობას, მაშინ როცა მორალური დეგენერატები სანქციების მოხსნას ემხრობიან, მიუხედავად იმისა, რომ რუსეთმა არ შეწყვიტა თავისი ომი.

მომავალი თაობები ამას სირცხვილად აღიქვამენ, რომელიც 1936 წლის ოლიმპიადას შეედრება" - წერს უკრაინელი მინისტრი X-ზე.

აქვე გეტყვით, რომ ჯანი ინფანტინოს განცხადებით, ის რუსეთისთვის შეზღუდვების მოხსნის მომხრეა.