ახლა დროს ვეღარ გაიყვანენ - 2026 წლის მსოფლიო ჩემპიონატის დადასტურებული ახალი წესები

გთავაზპბთ 2026 წლის მსოფლიო ჩემპიონატის დადასტურებული ახალი წესებს:

- აუტის ჩამოწოდების წამზომი (ხუთი წამი): თუ მოთამაშე განზრახ აყოვნებს თამაშის განახლებას, აუტის ჩამოწოდების უფლება შეიძლება მეტოქე გუნდს გადაეცეს.

- კარიდან დარტყმის წამზომი (ხუთი წამი): ეს წესი ასევე ეხება დროის განზრახ გაყვანის მცდელობებს და დარღვევის შემთხვევაში, შესაძლოა, მეტოქის სასარგებლოდ კუთხური დაინიშნოს.

- დროში შეზღუდული შეცვლები (10 წამი): შეცვლილ მოთამაშეებს აქვთ 10 წამი, რათა მოედანი უახლოესი წერტილიდან დატოვონ. თუ ისინი ამას ვერ შეძლებენ, სათადარიგო მოთამაშეს მოედანზე შესვლის უფლება მინიმუმ ერთი წუთის განმავლობაში არ მიეცემა და გუნდს თამაშის გაგრძელება 10 ფეხბურთელით მოუწევს.

- სამედიცინო დახმარება მოედნის მიღმა (ერთი წუთი): მოთამაშეები, რომლებსაც ფიზიოთერაპევტი მკურნალობს, მოედნის მიღმა 60 წამის განმავლობაში უნდა დარჩნენ. არსებობს გამონაკლისებიც, მათ შორის: მეკარეების შემთხვევაში, სერიოზული ტრავმების დროს, ან თუ მეტოქე გუნდის მოთამაშე გააფრთხილეს (ყვითელი ბარათი) ან გააძევეს (წითელი ბარათი).

- მოთამაშეების მიერ პირზე ხელის აფარება: ნებისმიერი მოთამაშე, რომელიც მეტოქესთან კონფლიქტურ/კონფრონტაციულ სიტუაციაში პირზე ხელს აიფარებს, შესაძლოა დაისაჯოს წითელი ბარათით.

- კუთხურების გადამოწმება: VAR-ს შეუძლია გადაამოწმოს, სწორად დაინიშნა თუ არა კუთხური, თუმცა ეს უნდა გაკეთდეს სწრაფად და თამაშის განახლებამდე.

- მეორე ყვითელი ბარათის გადამოწმება: მოთამაშეებს, რომლებიც მოედნიდან ორი გაფრთხილების გამო გააძევეს, შეუძლიათ მოითხოვონ მეორე ყვითელი ბარათის გადამოწმება, თუმცა პოტენციური (ჯერ არმიცემული) მეორე ყვითელი ბარათების ეპიზოდები არ განიხილება.