დიდი სკანდალი არგენტინასა და კაბო-ვერდეს მატჩის წინ

კაბო-ვერდეს ნაკრების კაპიტანი რაიან მენდეში გაუპატიურებაშია ეჭვმიტანილი.

„გლობოს“ და სხვა ბრაზილიური გამოცემების ცნობით, თურქეთის მეორე ლიგის „იგდირის“ 36 წლის ნახევარმცველმა, 2026 წლის 27 მარტს, ახალ ზელანდიაში ჩილესთან ამხანაგური მატჩის (2:4) წინ თარჯიმანზე იძალადა.

გამოცემების მტკიცებით, მენდეშმა ოკლენდის სასტუმროში კაბო ვერდეს ფეხბურთის ფედერაციის მიერ მიწვეულ ბრაზილიელ თარჯიმანს ფიზიკური შეურაცხყოფა მიაყენა, ახრჩობდა, კბენდა და შემდეგ გააუპატიურა. მას სხეულზე მრავლობითი ჭრილობები და სისხლჩაქცევები ჰქონდა.

ქალმა სასამართლო-სამედიცინო ექსპერტიზა გაიარა და პოლიციაში განცხადება შეიტანა. ამ საქმესთან დაკავშირებით გამოძიება მიმდინარეობს. დაზარალებულმა 2026 წლის მაისში კაბო-ვერდეს ფეხბურთის ფედერაციისგან მოითხოვა, არ წაეყვანათ მენდეში მსოფლიო ჩემპიონატზე, მაგრამ უარი მიიღო.