დიდი სკანდალი FIFA-ს გარშემო? - რას ამბობს ცნობილი ჟურნალისტი

ფრანგმა ჟურნალისტმა რომან მოლინამ განაცხადა, რომ FIFA-ს შესახებ მასშტაბურ ჟურნალისტურ გამოძიებას ამზადებს, რომლის გამოქვეყნებაც, მისი თქმით, უახლოეს პერიოდში იგეგმება.

მოლინას განცხადებით, გამოძიება შეეხება იმას, რასაც ის „FIFA-ს მიერ დაფარულ ერთ-ერთ ყველაზე დიდ სკანდალს“ უწოდებს.

თუ ჟურნალისტის განცხადებები დადასტურდება და გამოძიებაში წარმოდგენილი ინფორმაცია რეალობას შეესაბამება, ეს შესაძლოა მსოფლიო ფეხბურთის ერთ-ერთი ყველაზე ხმაურიანი სკანდალი გახდეს.

ამ ეტაპზე გამოძიების შინაარსი საჯაროდ ცნობილი არ არის და მოლინას განცხადებების დასადასტურებლად კონკრეტული მტკიცებულებები ჯერ გამოქვეყნებული არ არის. შესაბამისად, აღნიშნული ინფორმაცია ამ დროისთვის მხოლოდ მის მიერ გაკეთებულ განცხადებას ეფუძნება.