ცნობილია - როგორ კონტრაქტს გააფორმებს ზინედინ ზიდანი საფრანგეთის ნაკრებთან

საფრანგეთის ნაკრების მთავარ მწვრთნელად ზინედინ ზიდანის დანიშვნა გადაწყვეტილია.

მსოფლიოს ჩემპიონატის დასრულების შემდეგ, ფეხბურთის ფედერაცია ზიდანთან ყველა ფორმალური დოკუმენტის ხელმოწერას გეგმავს. კონტრაქტი 2030 წლის მსოფლიოს ჩემპიონატის ბოლომდე გაფორმდება.

ზიდანს ბოლო 8 თვის განმავლობაში სხვა წინადადებები არასდროს განუხილავს - მას მხოლოდ საფრანგეთის ნაკრებში მუშაობა სურს. ასე რომ, ლეგენდარული ფიგურა „მამლებს“ დაუბრუნდება, ამჯერად ახალ ამპლუაში.

შეგახსენებთ, რომ საფრანგეთის ნაკრებს 2012 წლიდან დიდიე დეშამი წვრთნის, რომელიც მუნდიალის მესამე ადგილისთვის ბოლოჯერ უხელძღვანელებს ეროვნულ გუნდს. დეშამმა საფრანგეთს მსოფლიოს ჩემპიონატი და ერთა ლიგა მოაგებინა, გარდა ამისა, თითოჯერ მსოფლიოსა და ევროპის ჩემპიონატის ფინალში დამარცხდა.