ლიმიტზე მაღალი ხელფასი! - რა თანხას მიიღებს ზიდანი საფრანგეთის ნაკრებში

საფრანგეთის ნაკრები მზადაა მზადაა ზინედინ ზიდანს მოქმედი სახელფასო ლიმიტზე მაღალი ანაზღაურება შესთავაზოს.

L'Equipe-ის ინფორმაციით, ამჟამად საფრანგეთის ნაკრების მთავარი მწვრთნელისთვის დაწესებული მაქსიმალური ხელფასი 450 000 ევროა, თუმცა ფედერაციას ზიდანისთვის ამ ზღვრის გადაჭარბება სურს.

ამისთვის საჭირო იქნება საფრანგეთის სპორტის სამინისტროს სპეციალური ნებართვა. გავრცელებული ცნობით, აღნიშნული გამონაკლისის დამტკიცებას არანაირი პრობლემა არ უნდა შეექმნას.

თუ პროცესი წარმატებით დასრულდება, ზიდანი საფრანგეთის ნაკრების მთავარი მწვრთნელის პოსტზე დანიშვნის შემთხვევაში მოქმედ სახელფასო ლიმიტზე მაღალ ანაზღაურებას მიიღებს.