ფინალის შემდეგ ლეო მესიმ გუნდელებს გასახდელში ემოციური ამბავი აცნობა

გავრცელებული ინფორმაციით, ლეო მესიმ მსოფლიო ჩემპიონატის ფინალის დასრულების შემდეგ თანაგუნდელებს აცნობა, რომ ეს არგენტინის ნაკრების მაისურით მისი ბოლო მატჩი იყო.

ჟურნალისტ ჰერნან კასტილიოს ცნობით, მესიმ შეხვედრის შემდეგ გასახდელში ემოციური სიტყვით მიმართა თანაგუნდელებს და მათთან დამშვიდობების გადაწყვეტილება გააჟღერა.

თუ ეს ინფორმაცია ოფიციალურად დადასტურდება, არგენტინის ნაკრების ისტორიაში ერთ-ერთი ყველაზე წარმატებული ეპოქა დასრულდება, რადგან მესიმ ეროვნულ გუნდთან ერთად მსოფლიო ჩემპიონატი, კოპა ამერიკა და სხვა არაერთი ტიტული მოიგო.