რეკორდი მოიხსნა - რა ფული გასცა ფიფამ 2026 წლის მუნდიალზე

ცნობილია საპრიზო თანხების ოდენობა, რომელიც მსოფლიო ჩემპიონატზე პირველ ოთხეულში გასულმა გუნდებმა მოიპოვეს.

მსოფლიო ჩემპიონატზე გამარჯვებამ ესპანეთის ნაკრებს 50 მილიონი დოლარის ოდენობის ჰონორარი მოუტანა. არგენტინის ნაკრებმა მეორე ადგილისთვის მიიღო 33 მილიონი დოლარი, ხოლო ინგლისმა და საფრანგეთმა, რომლებმაც მესამე და მეოთხე ადგილები დაიკავეს, შესაბამისად 29 და 27 მილიონი დოლარი გამოიმუშავეს.

გუნდებმა, რომლებმაც მეოთხედფინალამდე მიაღწიეს, ფიფა-სგან მიიღეს 19 მილიონი დოლარი თითოეულმა, მერვედფინალისტებმა – 15 მილიონი, 1/16 ფინალის მონაწილეებმა – 11 მილიონი, ხოლო ჯგუფური ეტაპიდან გავარდნილებმა – 9 მილიონი.

გარდა ამისა, მსოფლიო ჩემპიონატის ყველა მონაწილემ დამატებით მიიღო 1.5 მილიონი დოლარი იმ ხარჯების კომპენსირებისთვის, რომელიც მათ ტურნირისთვის მოსამზადებლად დახარჯეს.