პედრის მდგომარეობა საწყის პროგნოზზე უარესი აღმოჩნდა — "ბარსელონას" კიდევ ერთი მძიმე დანაკარგი

"ბარსელონას" ნახევარმცველი პედრი მოედანს დაახლოებით 6-7 კვირით განმავლობაში ვერ დაუბრუნდება — ინფორმაციას ესპანური გამოცემა Diario AS ავრცელებს.

ესპანელ ნახევარმცველს ბარძაყის ტრავმა აწუხებს და ის გამოტოვებს მინიმუმ რვა მატჩს, მათ შორის ჩემპიონთა ლიგის შეხვედრას „ჩელსისთან“ და ლა ლიგის შეხვედრას „ატლეტიკოსთან“.

კლუბის სამედიცინო შტაბი ცდილობს, პედრი უფრო სწრაფად მოამზადოს, თუმცა გამოჯანმრთელების პროცესი პროგნოზზე რთული აღმოჩნდა.

ახალგაზრდა ნახევარმცველი მიმდინარე სეზონში უკვე მეორე სერიოზულ ტრავმას განიცდის, რაც კიდევ ერთხელ აჩენს კითხვებს მის ფიზიკურ მდგომარეობასთან დაკავშირებით.