შეთავაზება გაკეთებულია - ლამინ იამალის სანაცვლოდ უდიდეს თანხას იხდიან

გამოცემა E-Notícies-ის ინფორმაციით, საუდის არაბეთის კლუბმა "ალ-იტიჰადმა" "ბარსელონას" სუპერ შეთავაზება გაუკეთა.

წყაროს ცნობით, არაბები 18 წლის ვარსკვლავის ლამინ იამალის სანაცვლოდ 300 მილიონი ევროს იხდიან. 

ახალგაზრდა ფეხბურთელის გამოსასყიდ თანხას 1 მილიარდი ევრო შეადგენს და მას კატალონიურ გრანდთან კონტრაქტი 2031 წლამდე აკავშირებს. 

აღსანშნავია, რომ თუ იამალი საუდის არაბეთის კლუბში მართლაც გადავა, ის ყველა დროის ყველაზე ძვირადღირებული ფეხბურთელი გახდება. 

ცნობისთვის, რეკორდი ნეიმარს ეკუთვნის, რომელიც 2017 წელს სწორედ "ბარსელონადან" პსჟ-ში 222 მილიონი ევროს სანაცვლოდ გადავიდა.