იამალის მამამ ოფიციანტს შეაფურთხა, თანამშრომელს ხელი გაარტყა და ლონდონში დაუბრკოლებლად გაფრინდა

პირველად დიდი ხნის შემდეგ, „ბარსელონას“ ვარსკვლავის ლამინ იამალის სკანდალური მამა, მუნირ ნასრაუი შვილთან ერთად გამოჩნდა „ოქროს ბურთის“ დაჯილდოების ცერემონიაზე. 

მანამდე გავრცელდა ინფორმაცია, რომ ორივე საჯაროდ დაშორდა ერთმანეთს გარემარბის რეპუტაციის გამო. ეს გასაკვირი არ არის, რადგან 34 წლის მუნირი საკმაოდ ხშირად ხვდებოდა კონფლიქტებში მას შემდეგ, რაც ლამინმა საფეხბურთო მოედანზე ბრწყინვალება დაიწყო. 

ეს არ ეხება „რეალის“ გულშემატკივრების ჩვეულ „ტროლინგს“ კლასიკოს წინ, ან მუქარის შემცველ განცხადებებს სოციალურ მედიაში.

Crónica Global-ის ცნობით, ლონდონში გაფრენამდე მუნირმა ბარსელონას აეროპორტის კაფეში ქურთუკი აკრძალულ ადგილზე დაკიდა, ოფიციანტმა ქალმა შენიშვნა მისცა, მან კი სახეში შეაფურთხა. კონფლიქტში ერთ-ერთი თანამშრომელი ჩაერია, რომელსაც ნასრაუიმ ხელი გაარტყა და სკამის ჩარტყმას აპირებდა, მაგრამ ისინი პოლიციამ გააშველა. საბოლოოდ მუნირი ყოველგვარი დაბრკოლების გარეშე გაფრინდა ინგლისში.

El Español-ი იტყობინება, რომ ფეხბურთელის მამამ ინგლისის დედაქალაქშიც „გამოიჩინა თავი“ – „ლონდონ პალადიუმის“ თეატრის წინ შეხლა-შემოხლა მოუვიდა და ჟურნალისტს კინაღამ მობილური ტელეფონი გაუტეხა.

2024 წელს ბარსელონას გარეუბან მატაროში, მას მშობლიურ რაიონში რამდენიმე პირი ავტოსადგომზე თავს დაესხა და დანით დაჭრეს. La Vanguardia წერდა, რომ ახალგაზრდობაში მუნირი კრიმინალთან იყო დაკავშირებული, თუმცა შვილის დაბადების შემდეგ, დანაშაულებრივ სამყაროსთან კავშირი შეწყვიტა.