ჯერ კლოპი, შემდეგ ერნიკე - ლივერპულში არნე სლოტის ჩანაცვლების გეგმა დახაზეს

ლივერპული მიმდინარე სეზონში საკუთარ თავს არ ჰგავს - მე-13 ადგილი პრემიერ ლიგაში და 9 მარცხი ბოლო 12 მატჩში.

ინგლისური პრესა ამ ყველაფერს გუნდის მთავარ მწვრთნელ არნე სლოტს აბრალებს.

ბრიტანეთში ვარაუდობენ, რომ ნიდერლანდელ სპეციალისტს ბევრი დრო არ დარჩა და თუ ასე გაგრძელდა, წითლები მას უახლოეს დღეებში გამოემშვიდობებიან.

როგორც გამოცემა სანი წერს, სლოტის გათავისუფლების შემთხვევაში, ლივერპული პირველ რიგში იურგენ კლოპს დაურეკავს, რომელიც რედ ბულის საფეხბურთო მიმართულების სფეროს ხელმძღვანელობს და ხანგრძლივ სამუშაოს არ ეძებს.

მერსესაიდელებსაც სწორედ ეს სურთ, მათი ოცნება ასეთი იქნება - დაასრულოს 2025/26 წლების სეზონი იურგენ კლოპმა, შემდეგ კი გუნდი პსჟ-ს დამრიგებელმა, ლუის ენრიკემ გადაიბაროს.

ლივერპულში ესპანელ სპეციალისტს მომავლის მთავარ ნაწილად ხედავენ.

გამოცემა მირორი წერს, რომ მომდევნო 3 მატჩი ვესტ ჰემთნა, სანდერლენდთან და ლიდსთან გადამწყვეტი იქნება. თუ გუნდი 7 ქულაზე ნაკლებს აიღებს, არნე სლოტის მომავალი გაურკვეველი იქნება...