კონტე და დე ლაურენტისი შეკამათდნენ - ანტონიო სეზონის შემდეგ "ნაპოლის" დატოვებს

გავლენიანი ნეაპოლური საფეხბურთო გამოცემა, "Il Mattino" წერს, რომ ანტონიო კონტე სეზონის დასრულების შემდეგ "ნაპოლის" დატოვებს.

მიზეზი კი კლუბის პრეზიდენტთან, აურელიო დე ლაურენტისთან ვერ შეთანხმებაა.

წყაროს ცნობით, კონტემ დე ლაურენტისს სთხოვა, რომ ზაფხულში კლუბმა ტრანსფერებისთვის 200 მილიონი ევრო უნდა გამოყოსო, რადგან მას 8-9 ფეხბურთელის დამატება სურს.

ასევე ანტონიომ პრეზიდენტს მოახსენა, რომ გუნდში ფეხბურთელების ხელფასები უნდა გაიზარდოს.

ეს ორი მოთხოვნა დე ლაურენტისს არ ესიამოვნა, და, როგორც იწერება, სეზონის დასრულების შემდეგ, მიუხედავად წარმატებისა, კონტე "პარტენოპეის" დაემშვიდობება.

მეტიც, გამოცემა წერს, რომ აურელიო უკვე დაუკავშირდა მასიმილიანო ალეგრის.