დე ლაურენტისი შარში გაეხვა - რა ხდება "ნაპოლის" პრეზიდენტის გარშემო

როგორც მოგეხსენებათ, თითქმის გადაწყვეტილი ამბავია, რომ ვიქტორ ოსიმენი "ნაპოლის" მიმდინარე ზაფხულს დატოვებს და კარიერას სხვა კლუბში გააგრძელებს. 

საგულისხმოა, რომ ნიგერიელმა "პარტენოპეის" ხელმძღვანელებს განუცხადა, რომ მხოლოდ "გალათასარაიში" თამაში სურს და ამ გარიგებას ხელი არ შეუშალონ.

აღსანიშნავია ისიც, რომ ეს სიტყვები "ნაპოლის" პრეზიდენტმა აურელიო დე ლაურენტისმა არაფრად ჩააგდო და თურქული კლუბის 3 შეთავაზება დაბლოკა. 

საპასუხოდ კი, ერთ-ერთმა თურქმა გულშემატკივარმა "ვოთსაფზე" აურელიოს შვილს, ედოარდო დე ლაურენტისს მისწერა და დაემუქრა.

"ეს თურქული მაფიაა. ოსიმენს ან გაუშვებთ, ან დასრულდებით. ძმაო, შენ და მამაშენი ამისთვის გადაიხდით, ფრთხილად იყავით", - მისწერა თურქმა ქომაგმა ედოარდოს.