პსჟ თავისივე რეკორდს ხსნის! - გუნდმა პალმერის ყიდვა სასწაულ თანხად გადაწყვიტა

ესპანური გამოცემა, Fichajes პარი სენ-ჟერმენის ახალ სატრანსფერო გეგმაზე წერს.

წყაროს ცნობით, პარიზული გუნდი ჩელსიდან კოლ პალმერის ყიდვას აპირებს, რომელმაც მსოფლიო საკლუბო ჩემპიონატის ფინალში მათ კარში დუბლი შეაგდო.

როგორც იწერება, პსჟ ყველა დროის ყველაზე ძვირადღირებულ ტრანსფერს გეგმავს.

ისინი პალმერისთვის 250 მილიონიან შეთავაზებას ამზადებენ, რაზეც, მიუხედავად იმისა, რომ პალმერი ლიდერია, ჩელსის უარის თქმა გაუჭირდება.

შეგახსენებთ, რომ ამჟამინდელი რეკორდიც სწორედ პარიზულ გუნდს ეკუთვნის.

მათ 2017 წელს ბარსელონადან ნეიმარი 222 მილიონი ევროს სანაცვლოდ დაიმატეს.

თუმცა აღსანიშნავია, რომ ამ მეთოდმა არ გაამართლა და ჩემპიონთა ლიგა სულ სხვანაირად აწყობილმა გუნდმა მოიგო.