თაღლითობით მიღებული 40 000 ევრო - "პსჟ"-ს 22 წლის ფანი პოლიციამ დააკავა თაღლითობით მიღებული 40 000 ევრო - "პსჟ"-ს 22 წლის ფანი პოლიციამ დააკავა » Footballnews თაღლითობით მიღებული 40 000 ევრო - "პსჟ"-ს 22 წლის ფანი პოლიციამ დააკავა

თაღლითობით მიღებული 40 000 ევრო - "პსჟ"-ს 22 წლის ფანი პოლიციამ დააკავა

2 საათის და 10 წუთის წინ

ნიკა მშვილდაძე

ფრანგული მედიის ინფორმაციით, 22 წლის პირი დააკავეს მას შემდეგ, რაც ორი წლის განმავლობაში პარის სენ-ჟერმენის მატჩების ბილეთებთან დაკავშირებული თაღლითური სქემა აწარმოებდა.

წყაროს ცნობით, მან დაახლოებით 2000 ადამიანი მოატყუა და ჯამში 40 000 ევრო გამოიმუშავა. თაღლითი სოციალურ ქსელში, განსაკუთრებით TikTok-ზე, აქტიურად მოქმედებდა, სადაც მას 13 000-ზე მეტი გამომწერი ჰყავდა და სწორედ ამ პლატფორმის მეშვეობით ყიდდა ბილეთებს.

როგორც ირკვევა, გაყიდული ბილეთები ყალბი იყო და მათით სტადიონზე შესვლა შეუძლებელი აღმოჩნდა, რის გამოც გულშემატკივრები მატჩებზე ვერ მოხვდნენ.

სამართალდამცავებმა თაღლითი მიმდინარე წლის მარტის დასაწყისში დააკავეს, რითაც მისი ორწლიანი სქემა დასრულდა. საქმე უკვე შესაბამის ორგანოებს გადაეცა და გამოძიება გრძელდება.