პსჟ-ში სიტუაცია მწვავდება! - დემებელე ძალიან უკმაყოფილოა

უსმან დემბელე ლუის ენრიკეს მიერ მისი სათამაშო დროისა და დასვენების მართებით უკმაყოფილოა. 

გავრცელებული ინფორმაციით, „ოქროს ბურთის“ მფლობელს სურს, რომ დასვენების პერიოდების მიუხედავად, მოედანზე რეგულარულად ითამაშოს და სათამაშო რიტმი შეინარჩუნოს.

ფრანგი შემტევი ნაწილობრივ დასვენებას ამჯობინებს, მაშინ როდესაც პარის სენ-ჟერმენის ესპანელი მწვრთნელი სრულფასოვან შესვენებებსა და აღდგენისთვის უფრო ხანგრძლივ პერიოდებს ანიჭებს უპირატესობას. დემბელეს მიაჩნია, რომ მსგავსი მიდგომა მას სათამაშო რიტმს აკარგვინებს.

აღსანიშნავია, რომ აგვისტოში L’Équipe-მა დემბელესა და ლუის ენრიკეს შორის უთანხმოების შესახებაც დაწერა, თუმცა მწვრთნელის განმარტებით, ფეხბურთელისთვის დასვენების მიცემა მისი ფიზიკური მდგომარეობის გაუმჯობესებას ემსახურებოდა.