"ლიონმა" ენდრიკის იჯარით დამატება განიზრახა – მოლაპარაკებები უკვე დაწყებულია 

„ლიონმა“ ოფიციალურად დაიწყო მოლაპარაკებები მადრიდის „რეალთან“, რათა იანვრის სატრანსფერო ფანჯარაში ახალგაზრდა ბრაზილიელი თავდამსხმელი ენდრიკი იჯარით დაიმატოს.

ინფორმაციას ცნობილი ჟურნალისტი ფაბრიციო რომანო ავრცელებს. მისი ცნობით, ფრანგულმა კლუბმა უკვე წარუდგინა მადრიდელებს საკუთარი გეგმა — ენდრიკისთვის სათამაშო დროის და განვითარებისთვის იდეალური პირობების შექმნის შესახებ.

ბრაზილიელი ტალანტი, რომელიც ზაფხულში ოფიციალურად შეუერთდა „რეალს“  უკმაყოფილოა მადრიდში მიღებული სათამაშო დროით და ახლა ნამდვილად ფიქრობს იჯარით წასვლაზე, რათა რეგულარული სათამაშო პრაქტიკა მიიღოს.

მიუხედავად იმისა, რომ ენდრიკს მადრიდში დიდი მომავალი აქვს, „რეალის“ ხელმძღვანელობა მზად არის განიხილოს იჯარის ვარიანტი, რომელიც ხელს შეუწყობს მისი პროგრესის გაგრძელებას და გამოცდილების დაგროვებას.

შეგახსენებთ, ჩაბი ალონსოს ხელმძღვანელობით ბრაზილიელს არცერთ შეხვედრაში სათამაშო დრო არ აქვს.

მან ახალი სეზონის პირველი მატჩი ლა ლიგის 11-ე ტურში ვალენსიას წინააღმდეგ ჩაატარა, სადაც ცვლილებაზე შემოვიდა.