ძალიან დიდი თანხა გაამზადეს - მიქუატაძე შესაძლოა პრემიერ ლიგაში გადავიდეს

უცხოურ პრესაში ვილიარეალის ქართველი ფორვარდის, გიორგი მიქაუტაძის მიმართ ინტერესის შესახებ ხშირად იწერება.

როგორც ცნობილია, ჟორჟის შეძენით ტოტენჰემი და ბარსელონა ინტერესდებიან, ახლახანს კი მესამე ვარიანტი გამოჩნდა.

Fichajes-ის ცნობით, მიქაუტაძის ყიდვა ნიუკასლს სურს.

კაჭკაჭები მზად არიან, ფეხბურთელის სანაცვლოდ 55 მილიონი ევრო გადაიხადონ.

გავრცელებული ინფორმაციით, ვილიარეალს გიორგის გასხვისება არ სურს. შესაბამისად ისინი ქართველის სანაცვლოდ 70 მილიონ ევროს მოითხოვენ.

ცნობისთვის, მიქაუტაძე ვილიარეალში 2025 წლის ზაფხულში გადაბარგდა. მას გუნდთან კონტრაქტი 2031 წლამდე აკავშირებს.