ვიზიტი ინგლისში! - რა მიზნით ჩავა ვახტანგ სალია დიდ ბრიტანეთში

როგორც მოგეხსენებათ, 17 წლის ფეხბურთელი ვახტანგ სალის კარიერას “ნიუკასლ იუნაიტედში” გააგრძელებს.

Geo Team-ის მიერ გავრცელებული ინფორმაციის თანახმად ვახო სალია მომდევნო კვირაში ნიუკასლში ჩავა.

17 წლის ფეხბურთელი “ნიუკასლის” საწვრთნელ ბაზას დაათავლიერებს, პირველი გუნდის ფეხბურთელებს შეხვდება და 14 დეკემბერს ნიუკასლი - ლესტერის მატჩს დაესწრება.

ამავე წყაროს ცნობით, ვახო სალიას “ნიუკასლში” ვიზიტი გუნდმა მოითხოვა.

ფეხბურთელი ინგლისს მამასთან და აგენტთან, ლევან სეთურიძესთან ერთად ესტუმრება.

“ნიუკასლმა” ვახო სალია თბილისის “დინამოდან” იყიდა და 17 წლის ფეხბურთელი ბრიტანულ გუნდს მომდევნო წლის ზაფხულში შეუერთდება. მაშინ, როცა 18 წლის გახდება.