ლა ლიგის მე-16 ტურში "ვილიარეალის" მატჩი არ შედგება - მიზეზი ცნობილია

ესპანეთის ლა ლიგის მე-16 ტურის დღეს ჩასატარებელი შეხვედრა „ლევანტესა“ და „ვილიარეალს“ შორის ვალენსიაში მოსალოდნელი ძლიერი წვიმის მიზეზით ჯერჯერობით გაურკვეველი ვადით გადაიდო. 

ესპანეთის პროფესიონალური საფეხბურთო ლიგის ვებ-გვერდის ცნობით, ვალენსიის პროვინციის ჩრდილოეთ და სამხრეთ სანაპიროებზე ამინდის მოსალოდნელი გაუარესების გამო, რეგიონში განგაშის წითელი დონე გამოცხადდა.

გაირკვა, რომ ის გულშემატკივრები, რომელთაც „სიუდად დე ვალენსიაზე“ გასამართ მატჩზე დასასწრები ბილეთები უკვე შეძენილი ჰქონდათ, ჩვეულებრივად ისარგებლებენ მაშინ, როდესაც შეხვედრა ჩაინიშნება. 

ასე და ამგვარად, ამ მომენტისთვის უცნობია, თუ როდის ითამაშებს გიორგი მიქაუტაძის გუნდი ლა ლიგის გადადებულ თამაშს.