"ყველაფერი დამთავრებულია?" - ქეცბას კომენტარი ჟალგირისთან მატჩის წინ

კონფერენს ლიგის საკვალიფიკაციო ეტაპის მეორე რაუნდში თბილისის დინამო ჟალგისირთან განმეორებითი მატჩის მოლოდინშია.

ლურჯები ვილნიუსში დღეს, 30 ივლისს 21:00 საათზე ითამაშებენ.

მატჩამდე ვრცელდება თემურ ქეცბაიას კომენტარი:

“პირველი მატჩის შედეგი არ ნიშნავს, რომ ყველაფერი დამთავრებულია. ამ თამაშს ისეთი სერიოზულობით უნდა მივუდგეთ, თითქოს პირველი არც გვითამაშია.

სავსე სტადიონი და ხელოვნური მინდორი გველის, რაც დაბრკოლებებს გვიქმნის, მაგრამ ჩვენი გუნდი მზადაა, ითამაშოს ისე, როგორც საჭიროა, შემდეგ ეტაპზე გასასვლელად.

კარგი იქნებოდა, ბოლო ორი ახალი ფეხბურთელი ჩვენთან თავიდანვე ყოფილიყო. მათ სათასო მატჩში ითამაშეს და გუნდი უფრო ახლოდან გაიცნეს. მათ ჰქონდათ საშუალება, უფრო ახლოს გაცნობოდნენ გუნდს. კიდევ ცოტა დრო დაგვჭირდება, რათა ვთქვათ, რომ ისინი 100%-ით სათამაშოდ მზად იქნებიან.

დანარჩენები უკვე დიდი ხანია აქ არიან და დიდ როლს ასრულებენ, რომ შემდეგ ეტაპზე გავიდეთ. იმედია, ასე გაგრძელდება”

შეგახსენებთ, რომ დინამომ პირველი მატჩი 3:0 მოიგო.