"ამ მიზეზის გამო არ მივდივარ ახლა დინამოდან" - ქეცბაია

თემურ ქეცბაიამ ჟალგირისთან მძიმე მარცხის შემდეგ პრესკონფერენცია გამართა.

დინამო თბილისის თავკაცმა დაასახელა მიზეზი, რის გამოც მან დაკავებული პოსტი არ დატოვა:

"მატჩის შემდეგ ბევრი ვიფიქრე, შეიძლება, სახლშიც წავსულიყავი, მაგრამ ეს გადაწყვეტილება მხოლოდ იმიტომ არ მივიღე, რომ გუნდი სეზონის წინ არ ჩამიბარებია და არ მინდა, აღებული პასუხისმგებლობა შუაში მივატოვო. რომან ფიფიას ასეულობით მილიონი აქვს ჩადებული „დინამო თბილისის“ განვითარებისთვის. შეგიძლიათ, ნახოთ ბაზა და ინფრასტრუქტურა, ის პირობები, რომელიც გუნდს აქვს. ამ ადამიანის კრიტიკის ნაცვლად, მსგავს ფიგურებს უნდა მოვუწოდებდეთ, რომ ფეხბურთში თანხის დაბანდება გადაწყვიტონ. თუ ამ შედეგზე ვინმეა პასუხისმგებელი, ეს მე ვარ".