"ვინ იქნება ნაკრების მომავალი კაპიტანი?" - სანიოლის პასუხი

მარტის სანაკრებო პაუზაზე საქართველოს ნაკრები 2 ამხანაგურ მატჩს გამართავს.

26 მარტს ჩვენი ეროვნული გუნდი ისრაელს მიხეილ მესხის სახელობის სტადიონზე უმსაპინძლებს.

29 მარტს კი ჯვაროსნები ლიეტუვას ესტუმრებიან.

სანაკრებო შეკრება დღეს, 23 მარტს, დაიწყება.

მანამდე კი გუნდის თავკაცმა, ვილი სანიოლმა მიხელ მესხის სახელობის სტადიონზე პრესკონფერენცია გამართა, სადაც გურამ კაშიამ დაანონსა, რომ ის ივნისში საქართველოს ნაკრებში ბოლო მატჩს ჩაატარებს.

ლოგიკურია, ამ განცხადებას მოჰყვა კითხვა ვილისთან, თუ ვინ გახდებოდა ნაკრების ახალი კაპიტანი:

"ვინ იქნება საქართველოს ნაკრების ახალი კაპიტანი კაშოს წასვლის შემდეგ? დღეს ამას ვერ ვიტყვი, რადგან გურამს ვცემ პატივს. გასაჯაროვებამდე ჩვენ ყველანი ერთად ვისაუბრებთ და ყველაფერს გაიგებთ", - განაცხადა ფრანგმა სპეციალისტმა.

შეგახსენებთ, რომ რამდენჯერმე კაშოს არ ყოფნის პერიოდში გუნდს მოედანზე ხვიჩა კვარაცხელია წაუძღვა.