"შედეგით კმაყოფილები უნდა ვიყოთ“ - უკრაინელი ფეხბურთელი

უკრაინის ეროვნული ნაკრების დებიუტანტმა მაქსიმ ხლანმა ერთა ლიგის მეორე ტურში საქართველოსთან გამართული მატჩის შემდეგ კომენტარი გააკეთა.

„ეს ჩემთვის დაუვიწყარი დღე იყო. თუმცა შერეული გრძნობები მაქვს. ბევრი ვიშრომეთ და ბოლომდე ვიბრძოლეთ. ჩვენი მიზანი ყველა მატჩის მოგებაა.

მაგრამ საქართველო თავს კარგად იცავდა, ამიტომ შედეგით კმაყოფილები უნდა ვიყოთ“, – განაცხადა უკრაინის ნაკრების დებიუტანტმა.