როგორც მოგეხსენებათ, მოახლოებულ სანაკრებო პაუზაზე საქართველოს ეროვნული ნაკრები ესპანეთსა და ნორვეგიას დაუპირისპირდება.

აღსანიშნავია, რომ "ჯვაროსნების" წინააღმდეგ სკანდინავიელებს რამდენიმე მოთამაშე დააკლდებათ.

საუბარია ალექსანდრ სორლოთზე, ანდრეას ჰანჩე-ოსლენსა და სტიან გრეგერსენზე, რომლებიც ტრავმირებულები არიან.

განსაკუთრებით აღსანიშნავია სორლოთის დანაკლისი, რომელიც ნორვეგიის შეტევის ხაზის ერთ-ერთი ლიდერია.

როგორც იწერება, 27 წლის თავდამსხმელმა დაზიანება ლა ლიგის გასულ ტურში, "კადისის" წინააღმდეგ მიიღო.

აქვე გეტყვით, რომ ნორვეგიისა და საქართველოს დაპირისპირება 12 სექტემბერს შედგება.