• 05-08-2022
    სეზარ ასპილიკუეტა: “ნამდვილად ამაყი კაპიტანი ვარ”
    სეზარ ასპილიკუეტა: “ნამდვილად ამაყი კაპიტანი ვარ”

    როგორც მოგეხსენებათ, სეზარ ასპილიკუეტამ კატალონიის "ბარსელონაში" თამაშზე უარი თქვა და "ჩელსისთან" კონტრაქტი გაახანგრძლივა.

    გამოცდილმა ესპანელმა ფეხბურთელმა ლონდონურ გუნდთან ხელშეკრულებას ხელი 2024 წლის ზაფხულამდე მოაწერა.


    32 წლის მცველმა სოციალურ ქსელში საინტერესო განცხადება გაავრცელა:


    "ნამდვილად ბედნიერი ვარ, რომ ჩელსიში, ჩემს სახლში ვრჩები. თითქმის 10 წელი გავიდა მას შემდეგ, რაც პირველად ჩამოვედი და კლუბს შევუერთდი. მე ნამდვილად ვგრძნობ ჩვენი გულშემატკივრების სიყვარულს და ნამდვილად აღფრთოვანებული ვარ ახალი პროექტით, რომელიც ჩვენს ხელთაა.


    ნამდვილად ამაყი კაპიტანი ვარ და იმედი მაქვს, რომ ბევრი კარგი მოგონების გაზიარებას შევძლებთ ერთად.

    ჩვენ ბევრს ვიმუშავებთ ამის მისაღწევად!" - წერს სეზარ ასპილიკუეტა.


    შეგახსენებთ, რომ ესპანელი ფეხბურთელი ლონდონის "ჩელსის" ღირსებას 2012/2013 წლების სეზონიდან იცავს.

    Facebook კომენტარები
    მეტი სიახლის ნახვა