როგორც მოგეხსენებათ, “ულსან ჰიუნდაიმ” სამხრეთ კორეის ჩემპიონატის 35-ე ტურის შეხვედრაში “დეგუ” დაამარცხა და ანგარიშით 2:0 იმარჯვა.

ზემოხსენებული გამარჯვების შემდეგ “ულსან ჰიუნდაიმ” სამხრეთ კორეის ლიგის ჩემპიონობა გაინაღდა.

საგულისხმოა, რომ “ულსანის” გაჩემპიონებაში ლომის წვლილი მიუძღვის ვაკო ყაზაიშვილს, რომელმაც 34 ჩატარებულ მატჩში 11 გოლი გაიტანა და 1 საგოლე გადაცემა შეასრულა.

ცნობისთვის, ყაზაიშვილმა “ულსან ჰიუნდაისთან” ერთად სამხრეთ კორეის ჩემპიონატი ზედიზედ მეორედ მოიგო.