შვეიცარიის ქალაქ ნიონში, უეფას შტაბ-ბინაში დღეს კონფერენს ლიგის მერვედფინალური ეტაპის წილისყრა შედგა, სადაც წინასაპლეიოფო რაუნდში გამარჯვებული გუნდები ჯგუფიდან პირველი ადგილით გასულ გუნდებთან დაწყვილდნენ.

ჯგუფის გამარჯვებულები პირველ მატჩს გასვლაზე, 7 მარტს ჩაატარებენ, 14 მარტს კი მეტოქეს უკვე შინ უმასპინძლებენ.

საინტერესოა, რომ მერვედფინალში გადაიკვეთა ტურნირზე შემორჩენილთაგან ყველაზე სახელოვანი გუნდების გზები - ამსტერდამის "აიაქსი"  ბირმინგემის "ასტონ ვილას" შეერკინება.

მერვედფინალური წყვილები ასე გამოიყურება:

შტურმ გრაცი v ლილი

მაკაბი ჰაიფა v ფიორენტინა

დინამო ზაგრები v პაოკი

აიაქსი v ასტონ ვილა

მიოლდე v ბრიუგე

ოლიმპიაკოსი v მაკაბი თელ ავივი

სენ ჟილი v ფენერბახჩე

სერვეტი v ვიქტორია პლზენი

მეოთხედფინალური ეტაპის წილისყრა 15 მარტსაა ჩანიშნული. რაც შეეხება ფინალს, 29 მაისს მას ათენი, კერძოდ კი, "აეკ არენა" უმასპინძლებს.