"მანჩესტერ იუნაიტედი" შემტევებზე დაკვირვებას აგრძელებს, ამჯერად კი ერიკ ტენ ჰაგის სიაში მოჰამედ კუდუსი მოხვდა.

"აიაქსის" ახალგაზრდა ფეხბურთელს შესანიშნავი სეზონი აქვს, ამასთან ერთად კი მსოფლიო ჩემპიონატზეც გამოიჩინა თავი.

The Mirror-ის ინფორმაციით, ტენ ჰაგს ძალიან მოსწონს კუდუსი და სიამოვნებით იხილავდა განელ მოთამაშეს ოლდ ტრაფორდზე.

როგორც ირკვევა, ამსტერდამული კლუბი მზად არის შეელიოს კუდუსს, თუმცა სანაცვლოდ მინიმუმ 35 მილიონი ფუნტი სურს.

მიმდინარე სეზონში, კუდუსმა "აიაქსის" მაისურით 21 მატჩი ჩაატარა, მის ანგარიშზე 10 გოლი და 2 საგოლე გადაცემაა.

განელ ფეხბურთელს შეუძლია შეტევაში როგორც ფლანგებზე, ასევე ცენტრში თამაში.