რასმუს ჰოილუნდი კარიერას "მანჩესტერ იუნაიტედში" გააგრძელებს, კლუბმა "ატალანტასთან" სრულ შეთანხმებას მიაღწია.

ბერგამოელები დანიელის სანაცვლოდ გარანტირებულ 75 მილიონ ევროს და ბონუსების სახით კიდევ პოტენციურ 10 მილიონს მიიღებენ.

ჰოილუნდი "იუნაიტედთან" 5+1 კონტრაქტს გააფორმებს, მისი ყოველწლიური ანაზღაურება კი 8-ჯერ გაიზრდება.

ამჟამად, 20 წლის შემტევი "ატალანტაში" წლიურად 600,000 ევროს იღებს, "იუნაიტედში" კი მისი ხელფასი 5 მილიონი გახდება.

ბონუსების სახით ჰოილუნდს დამატებითი თანხის მიღებაც შეეძლება, თუმცა პირობები ჯერ ცნობილი არ არის.