• 02-05-2022
    "ბარსელონა" დე იონგს სოლერით შეცვლას უპირებს
    "ბარსელონა" დე იონგს სოლერით შეცვლას უპირებს

    "ბარსელონას" ნიდერლანდელი ნახევარმცველის, ფრენკი დე იონგის მომავლის შესახებ ესპანურ პრესაში დღეს მოულოდნელი ინფორმაცია გავრცელდა.


    Diario AS-ის ინფორმაციით, ბოლო კვირებში "ბლაუგრანამ" გადაწყვიტა, რომ 24 წლის შუახაზელი გაყიდოს.


    ჩავი ერნანდესმა და მატეუ ალემანიმ ფრენკის 75 მილიონ ევროდ გაყიდვის გადაწყვეტილებას მწვავე შუქი აუნთეს. რაც შეეხება მის შემცვლელს, იგი "ვალენსიას" ფეხბურთელი, კარლოს სოლერი იქნება.


    ესპანური გამოცემის თანახმად, "ლურჯ-ბროწეულისფერთ" სოლერთან კონტრაქტზე შეთანხმებას მიაღწიეს. კარლოსის სატრანსფერო ღირებულებად 20 მილიონი ევრო სახელდება.


    AS წერს, რომ "ბარსამ" კარლოსი გაინაღდა, ახლა კი ყველაფერი დე იონგის გაყიდვაზეა დამოკიდებული.


    სხვათა შორის, სოლერსა და "ბარსას" შორის შეთანხმება არ უარყო "ვალენსიას" ოფიციალურმა გვერდმა. "ლოს ჩემ" ესპანურ პრესაში გავრცელებულ ინფორმაციას საგანგებო პოსტი მიუძღვნა და მას სიცრუე უწოდა.


    25 წლის ნახევარმცველმა მიმდინარე სეზონში 34 მატჩში მიიღო მონაწილეობა. "ღამურებს" იგი 12 გოლითა და 5 ასისტით შეეწია.

    Facebook კომენტარები
    მეტი სიახლის ნახვა