როგორც მოგეხსენებათ, მადრიდის "რეალის" 2 ფეხბურთელი დავიდ ალაბა და ორელიენ ჩუამენი ტრავმირებულები არიან, რის გამოც უკვე რამდენიმე მატჩი გამატოვეს.

მათ ჯანმრთელობის მდგომარეობაზე ახალი ცნობები დღეს Diario AS-მა გაავრცელა.

წყაროს ცნობით, ავსტრიელი და ფრანგი ფეხბურთელები ჯერაც არ გამოჯანმრთელებულან და მომდევნო ორ შეხვედრასაც დააკლდებიან.

რაც შეეხება "რეალის" შემდეგ თამაშს, "ბლანკოსს" კოპა დელ რეის 1/8 ფინალში "ვილიარეალი" ელის.

აქვე გეტყვით, რომ "სამეფო გუნდი" "ყვითელი წყალქვეშა ნავთან" დაპირისპირების შემდეგ ბილბაოს "ატლეტიკს" დაუპირისპირდება.