De Telegraaf-ის ჟურნალისტმა მიკე ვერვეიმ გიორგი მიქაუტაძის ამსტერდამის "აიაქსში" ტრანსფერის ფინანსური დეტალების შესახებ გვამცნო.

"მას შემდეგ, რაც "აიაქსმა" "მეცს" 15+5 მილიონი ევრო შესთავაზა, ფრანგულმა კლუბმა მათ კონტრშეთავაზება გაუკეთა - 17+3 მილიონი ევრო. ეს წინადადება ახლა განხილვის პროცესშია. შეთანხმება ძალიან ახლოსაა.

მიქაუტაძემ "აიაქსთან" კონტრაქტი უკვე შეათანხმა. სამედიცინო შემოწმება ხვალისთვისაა ჩანიშნული," - იუწყება ნიდერლანდელი ჟურნალისტი.

შეგახსენებთ, რომ 22 წლის ფორვარდმა ლიგა 1-ის ახალ სეზონში 3 მატჩი ითამაშა. გიორგი "მეცს" 2 გოლითა და 1 საგოლე გადაცემით დაეხმარა.